Datuk Ni Meci Anjing Betino Sampai Tekaing-kaing, Laju Ditangkap Polisi


Adoadobae.com - Asli dak tik utak datuk sekok ni. Lah umur 67 tahun, masih jugo begawe yang idak idak. Bayangkan, anjing betino yang lagi jalan pantatnyo geal-geol, bikin datuk inisial AH ni kesahangan.

Tibo-tibo anjing tu di-peci-nyo. Pas lagi tekaing-kaing kareno dipeci si datuk tu, ado orang yang merekam. Nah, langsung video tu jadi barang bukti kuat untuk polisi nangkap Si Datuk.

Dimuat media india.com, kelakuan datuk hobi meci anjing betino tu dak sekali bae. Lah bekali-kali. Sah nian datuk ni punyo kelainan.

Tetanggonyo lah bekali-kali pulo ngingati dio supayo dak ngulang kelakuan dak jelas tu. Tapi itu lah, bangso datuk tu degil atau lah jadi hobi, masih be meci anjing betino. Lah macam cantik nian anjing tu di mato si datuk AH ni.

“Terdakwa Ahmed Shah, yang tinggal sendirian, biasa melakukan kejahatan semacam itu. Di masa lalu, penduduk setempat telah memperingatkan dia agar tidak melakukan hal itu,” kato seorang pejabat senior kantor polisi DN Nagar, dimuat media india.com.

Kato polisi tu lagi, waktu Datuk AH meci anjing betino, orang yang merekam langsung melapor ke LSM pecinto binatang.

Oleh LSM tu, kelakuan bejat si datuk langsung dilapori ke polisi. Rekaman pas dio meci anjing di bulan Desember 2020, jadi bukti kuat untuk nangkapnyo.

Sekarang, si datuk mendap dalam penjaro di Mumbay, India. Ntah merenung ntah rindu dengan anjing betinonyo yang megal-megol di luar lapas.

Ya ampuuun tuuuk... jijik bayangi nyo. Tobat lah tuuuuk.

Demikianlah berita dunia perpecian yang dak patut ditiru. Nak meci elok-elok, kawin, samo betino nian.(*)

Sumber: India.com 

Tayang juga di Jambiseru.com