Nunggu Putusan MK, Kato Emak-emak: Lum Selesai Jugo Pilgub Ni!


Adoadobae.com - Adoadobae gawe ko. Lah selesai pencoblosan, masih jugo awak nunggu-nunggu putusan MK. Ko yang buat Emak-emak di Jambi bosan. Apolagi kalau PSU.

“PSU tu apo?” tanyo emak-emak namo Mira ni waktu ditemui di Pasar Aur Duri, Kota Jambi, Minggu (21/3/2021). 

Pas lah dijelaskan kepanjangan PSU itu sam bae dengan nyoblos ulang, dio langsung ngamuk.

“Lum selesai jugo pilgub nih! Apo yang nak diulang-ulang? Hidup lah susah, ngurus politik manjang. Berebut jabatan bae orang di atas ni,” ungkapnya.

Waktu ditanyo apo dio nak ikut nyoblos ulang atau idak, emak-emak itu langsung geleng-geleng.

“Capek! Ni bae urusan. Gawe lain banyak. Dak jelas nian,” katonyo.

Tapi yo pulak dak. Mano lah covid, manolah nyari duit payah, mano lah nak nyoblos ulang. Asli nambah sakit utak.

Lah tu, bawak tiduk be. Nak baco lengkap, bukak be DI SIKO.(tukang tulis)